काठमाडौं । जापानमा जारी एसियाली खेलकुदको पुरुष क्रिकेटको क्वार्टरफाइनलमा नेपाल र श्रीलंकाबीचको खेल वर्षाका कारण एक बल पनि नखेली रद्द भएको छ ।
लगातारको वर्षापछि जापानको निसिन सहरस्थित कोरोगी खेलकुद पार्कमा हुने यो खेल रद्द भएपछि नेपाल प्रतियोगिताबाट बाहिरिएको छ भने श्रीलङ्का वरीयतामा नेपालभन्दा माथि रहेका कारण सेमिफाइनलमा पुगेको छ । अब श्रीलङ्काले फाइनल प्रवेशका लागि भारतसँग प्रतिस्पर्धा गर्नेछ ।
यसअघि सोमबार हुनुपर्ने दुवै क्वाटरफाइनलका खेल वर्षाले रद्द भएपछि भारत र पाकिस्तान सेमिफाइनलमा पुगेका छन् भने अफगानिस्तान र हङकङ बाहिरिएका थिए ।
